ადამიანის უფლებები

ადამიანის უფლებები - კონცეფცია

სხვა უფლებები

საქართველოს ადამიანის უფლებათა დაცვის ეროვნული სტრატეგია 2022-2030 წლებისთვის >>>

ადამიანის უფლებები საქართველოში

სხვა თემები

ადამიანის უფლებები მსოფლიოში

სხვა თემები

ადამიანის უფლებათა დაცვის საერთაშორისო კალენდარი

იანვარი

27 იანვარი - ჰოლოკოსტის მსხვერპლთა ხსოვნის საერთაშორისო დღე

თებერვალი

8 თებერვალი - უსაფრთხო ინტერნეტის მსოფლიო დღე
12 თებერვალი - წითელი ხელების დღე
21 თებერვალი - მშობლიური ენის საერთაშორისო დღე

მარტი

8 მარტი - ქალთა საერთაშორისო დღე
12 მარტი - მსოფლიო დღე ინტერნეტის ცენზურის წინააღმდეგ
18 მარტი - პირველი საპარლამენტო არჩევნები ევროპაში
21 მარტი - პოეზიის მსოფლიო დღე
21 მარტი - რასობრივი დისკრიმინაციის აღმოფხვრის საერთაშორისო დღე
22 მარტი - წყლის მსოფლიო დღე
23 მარტი - მეტეოროლოგიის მსოფლიო დღე
24 მარტი - ტუბერკულოზის მსოფლიო დღე

აპრილი

აპრილის მე-2 სამშაბათი - ევროპის თანაბარი ანაზღაურების დღე
7 აპრილი - ჯანმრთელობის მსოფლიო დღე
8 აპრილი - ბოშების საერთაშორისო დღე
18 აპრილი - მიღებული იქნა დიპლომატიური ურთიერთობების შესახებ ვენის კონვენცია (1961)
23 აპრილი - წიგნისა და საავტორო უფლებების მსოფლიო დღე
28 აპრილი - სამსახურში უსაფრთხოებისა და ჯანმრთელობის მსოფლიო დღე

მაისი

1 მაისი - მშრომელთა საერთაშორისო დღე
3 მაისი - პრესის თავისუფლების მსოფლიო დღე
5 მაისი - ევროპის დღე
6 მაისი - მიღებული იქნა სასამართლო ხელისუფლების დამოუკიდებლობის ძირითადი პრინციპები (1985)
8 მაისი - წითელი ჯვრისა და წითელი ნახევარმთვარის მსოფლიო დღე
8-9 მაისი - ხსოვნის და შერიგების დღეები
13 მაისი - მიღებული იქნა თეირანის კონფერენციის რეზოლუცია ადამიანის უფლებების შესახებ (1968)
15 მაისი - ოჯახების საერთაშორისო დღე
15 მაისი - სამხედრო სამსახურზე კეთილსინდისიერი წინააღმდეგობის საერთაშორისო დღე
17 მაისი - ჰომოფობიასა და ტრანსფობიასთან ბრძოლის საერთაშორისო დღე
17 მაისი - ტელეკომუნიკაციისა და საინფორმაციო საზოგადოების მსოფლიო დღე
21 მაისი - ტერორიზმის წინააღმდეგ ბრძოლის მსოფლიო დღე
21 მაისი - კულტურული მრავალფეროვნების მსოფლიო დღე
22 მაისი - მიღებული იქნა კონვენცია განათლებაში დისკრიმინაციის წინააღმდეგ (1962)
22 მაისი - ბიოლოგიური მრავალფეროვნების საერთაშორისო დღე
23 მაისი - მიღებული იქნა თანაბარი ანაზღაურების შესახებ კონვენცია (1953)
23 მაისი - მიღებული იქნა ვენის კონვენცია საერთაშორისო ხელშეკრულებების სამართლის შესახებ (1969)
25 მაისი - მიღებული იქნა ბავშვთა უფლებების შესახებ კონვენციის არასავალდებულო პროტოკოლი შეიარაღებულ კონფლიქტში ბავშვების მონაწილეობის შესახებ (2000)
26 მაისი - მსოფლიო გამოწვევის დღე
28 მაისი - ევროპის სამეზობლო დღე
29 მაისი - გაეროს მშვიდობისმყოფელთა საერთაშორისო დღე
31 მაისი - მსოფლიო თამბაქოს გარეშე

ივნისი

4 ივნისი - აგრესიის მსხვერპლ უდანაშაულო ბავშვების საერთაშორისო დღე
5 ივნისი - გარემოს დაცვის მსოფლიო დღე
5 ივნისი - მიღებული იქნა კონვენცია იძულებითი შრომის გაუქმების შესახებ (1957)
6 ივნისი - მიღებული იქნა კონვენცია მამაკაცთა და ქალთა თანასწორი ანაზღაურების შესახებ თანაბარი ღირებულების შრომისათვის (1951)
10 ივნისი - მიღებული იქნა დეკლარაცია ნარკოტიკების მოთხოვნის შემცირების სახელმძღვანელო პრინციპების შესახებ (1998)
12 ივნისი - ბავშვთა შრომის წინააღმდეგ მსოფლიო დღე
15 ივნისი - მიღებული იქნა კონვენცია დისკრიმინაციის შესახებ (დასაქმებაში და საქმიანობაში) (1960)
17 ივნისი - გაუდაბნოებასთან და გვალვასთან ბრძოლის მსოფლიო დღე
17 ივნისი - მიღებული იქნა კონვენცია დასაქმების სამსახურის ორგანიზების შესახებ (1948)
17 ივნისი - მიღებული იქნა კონვენცია ბავშვთა შრომის ყველაზე ცუდი ფორმების შესახებ (1999)
18 ივნისი - სიძულვილის ენის წინააღმდეგ ბრძოლის საერთაშორისო დღე (2022)
20 ივნისი - ლტოლვილთა მსოფლიო დღე
21 ივნისი - მიღებული იქნა კონვენცია დასაქმების ხელშეწყობისა და უმუშევრობისგან დაცვის შესახებ (1988)
23 ივნისი - გაეროს საჯარო სამსახურის დღე
24 ივნისი - მიღებული იქნა კონვენცია ყოველწლიანი ფასიანი შვებულებების შესახებ (1936)
25 ივნისი - მიღებული იქნა ვენის დეკლარაცია და სამოქმედო გეგმა (1993)
26 ივნისი - ნარკოტიკების მოხმარებისა და უკანონო ვაჭრობის წინააღმდეგ ბრძოლის საერთაშორისო დღე
26 ივნისი - წამების მსხვერპლთა მხარდაჭერის საერთაშორისო დღე
26 ივნისი - მიღებული იქნა კონვენცია მინიმალური ასაკის შესახებ (1973)
27 ივნისი - მიღებული იქნა ადგილობრივი და ტომებად მცხოვრები ხალხების შესახებ კონვენცია (1989)
27 ივნისი - მიღებული იქნა აივ/შიდსთან ბრძოლაზე თანხმობის დეკლარაცია (2001)
28 ივნისი - მიღებული იქნა იძულებითი შრომის შესახებ კონვენცია (1930)
29 ივნისი - მიღებული იქნა თანაბარი ანაზღაურების შესახებ კონვენცია (1951)

ივლისი

1 ივლისი - მიღებული იქნა კონვენცია ორგანიზებისა და კოლექტიური მოლაპარაკებების უფლების შესახებ (1949)
ივლისის პირველი შაბათი - კოოპერატივების საერთაშორისო დღე
9 ივლისი - მიღებული იქნა კონვენცია გაერთიანების თავისუფლებისა და ორგანიზაციის უფლების დაცვის შესახებ (1948)
9 ივლისი - მიღებული იქნა დასაქმების პოლიტიკის კონვენცია (1964)
11 ივლისი - მოსახლეობის მსოფლიო დღე
18 ივლისი - ნელსონ მანდელას საერთაშორისო დღე
28 ივლისი - მიღებული იქნა ლტოლვილთა სტატუსთან დაკავშირებული კონვენცია (1951)

აგვისტო

2 აგვისტო - ბოშათა და სინტი ბოშების გენოციდის მსხვერპლთა ხსოვნის დღე
6 აგვისტო - ჰიროშიმას ხსოვნის დღე
9 აგვისტო - მსოფლიოს მკვიდრი მოსახლეობის საერთაშორისო დღე
12 აგვისტო - ახალგაზრდობის საერთაშორისო დღე
12 აგვისტო - მიღებული იქნა ჟენევის კონვენცია ომის ტყვეების მოპყრობის შესახებ (1949)
12 აგვისტო - მიღებული იქნა ჟენევის კონვენცია ომის დროს მშვიდობიანი მოქალაქეების დაცვის შესახებ (1949)
23 აგვისტო - მონებით ვაჭრობის მსხვერპლთა ხსოვნისა და მისი გაუქმების საერთაშორისო დღე
23 აგვისტო - სტალინიზმისა და ნაციზმის მსხვერპლთა ხსოვნის ევროპული დღე
30 აგვისტო - მიღებული იქნა კონვენცია მოქალაქეობის არქონის შემცირების შესახებ (1961)

სექტემბერი

8 სექტემბერი - წიგნიერების საერთაშორისო დღე
8 სექტემბერი - მიღებული იქნა გაეროს ათასწლეულის დეკლარაცია (2000)
12 სექტემბერი - ალმა-ატის დეკლარაცია პირველადი ჯანდაცვის შესახებ (1978)
13 სექტემბერი - მიღებული იქნა დეკლარაცია ადგილობრივი ხალხების უფლებების შესახებ (2007)
14 სექტემბერი - მიღებული იქნა გაეროს დეკლარაცია ადამიანის უფლებების საკითხებზე განათლების და ტრენინგის შესახებ
15 სექტემბერი - დემოკრატიის საერთაშორისო დღე
19 სექტემბერი - ხმის მიცემის დღე
20 სექტემბერი - მიღებული იქნა საქართველოს კანონი ,,ბავშვის უფლებათა კოდექსი" (2019)
21 სექტემბერი - მშვიდობის საერთაშორისო დღე
24 სექტემბერი - მიღებული იქნა დეკლარაცია ეროვნულ და საერთაშორისო დონეზე კანონის უზენაესობის შესახებ (2012)
25 სექტემბერი - მიღებული იქნა კონვენცია მონობის შესახებ (1926)
28 სექტემბერი - ცოდნის უფლების საერთაშორისო დღე
28 სექტემბერი - მიღებული იქნა მოქალაქეობის არმქონე პირების სტატუსთან დაკავშირებული კონვენცია (1954)
30 სექტემბერი - მიღებული იქნა დეკლარაცია ბავშვთა გადარჩენის, დაცვისა და განვითარებისათვის (2000)

ოქტომბერი

ოქტომბრის პირველი ორშაბათი - საცხოვრებლის მსოფლიო დღე
ოქტომბრის მეორე ოთხშაბათი - კატასტროფების შემცირების საერთაშორისო დღე
1 ოქტომბერი - ხანდაზმულთა საერთაშორისო დღე
1 ოქტომბერი - მუსიკის საერთაშორისო დღე
2 ოქტომბერი - არაძალადობის საერთაშორისო დღე
5 ოქტომბერი - მასწავლებელთა მსოფლიო დღე
7 ოქტომბერი - ღირსეული სამუშაოს მსოფლიო დღე
10 ოქტომბერი - სიკვდილით დასჯის წინააღმდეგ მსოფლიო დღე
10 ოქტომბერი - ფსიქიკური ჯანმრთელობის მსოფლიო დღე
კვირეული 15 ოქტომბრის ჩათვლით - ევროპული ადგილობრივი დემოკრატიის კვირეული
16 ოქტომბერი - მიღებული იქნა დეკლარაცია დაბერებასთან დაკავშირებული პრობლემების შესახებ (1992)
16 ოქტომბერი - სურსათის მსოფლიო დღე
17 ოქტომბერი - სიღარიბის აღმოფხვრის საერთაშორისო დღე
18 ოქტომბერი - მიღებული იქნა კონვენცია საერთაშორისო დავების მშვიდობიანი გადაწყვეტის შესახებ
24 ოქტომბერი - გაეროს დღე
24-30 ოქტომბერი - განიარაღების კვირეული
25 ოქტომბერი - მხატვრის საერთაშორისო დღე

ნოემბერი

1 ნოემბერი - მიღებული იქნა რეკომენდაცია ქორწინებაზე თანხმობის, ქორწინების მინიმალური ასაკის და ქორწინების რეგისტრაციის შესახებ (1965)
2 ნოემბერი - მიღებული იქნა ადამიანის გენომის და ადამიანის უფლებების საყოველთაო დეკლარაცია (2001)
2 ნოემბერი - მიღებული იქნა კულტურული მრავალფეროვნების საყოველთაო დეკლარაცია (2001)
4 ნოემბერი - ადამიანის უფლებათა და ძირითად თავისუფლებათა დაცვის ევროპული კონვენციის მიღების დღე (1950)
6 ნოემბერი - ომსა და შეიარაღებულ კონფლიქტებში გარემოს ექსპლუატაციის თავიდან აცილების საერთაშორისო დღე
7 ნოემბერი - მიღებული იქნა კონვენცია ქორწინებაზე თანხმობის, ქორწინების მინიმალური ასაკის და ქორწინების რეგისტრაციის შესახებ (1962)
9 ნოემბერი - ფაშიზმისა და ანტისემიტიზმის წინააღმდეგ ბრძოლის საერთაშორისო დღე
9 ნოემბერი - ბერლინის კედლის დანგრევა
10 ნოემბერი - მიღებული იქნა დეკლარაცია სამეცნიერო და ტექნოლოგიური პროგრესის მშვიდობის ინტერესებში და კაცობრიობის სასარგებლოდ გამოყენების შესახებ (1975)
11 ნოემბერი - მეცნიერების მსოფლიო დღე მშვიდობისა და განვითარებისათვის
12 ნოემბერი - მიღებული იქნა დეკლარაცია ადამიანების მშვიდობის უფლების შესახებ (1984)
15 ნოემბერი - მიღებული იქნა მანილას დეკლარაცია საერთაშორისო დავების მშვიდობიანი მოგვარების შესახებ (1982)
16 ნოემბერი - ტოლერანტობის საერთაშორისო დღე
16 ნოემბერი - მიღებული იქნა დეკლარაცია შიმშილის და საკვების ნაკლებობის შესახებ (1974)
20 ნოემბერი - ბავშვთა დაცვის მსოფლიო
20 ნოემბერი - მიღებული იქნა კონვენცია ბავშვთა უფლებების შესახებ (1989)
21 ნოემბერი - ტელევიზიის მსოფლიო დღე
21 ნოემბერი - მიღებული იქნა კონვენცია სპეციალიზებული სააგენტოების პრივილეგიებისა და იმუნიტეტების შესახებ (1947)
22 ნოემბერი - მიღებული იქნა ადამიანის უფლებათა ამერიკული კონვენცია (1969)
24 ნოემბერი - მიღებული იქნა დეკლარაცია ბირთვული და თერმობირთვული იარაღის გამოყენების აკრძალვის შესახებ (1961)
25 ნოემბერი - ქალთა მიმართ ძალადობის აღმოფხვრის საერთაშორისო დღე
25 ნოემბერი - მიღებული იქნა დეკლარაცია რელიგიაზე ან რწმენაზე დაფუძნებული დისკრიმინაციის და არატოლერანტობის აღმოფხვრის შესახებ (1981)
26 ნოემბერი - მიღებული იქნა კონვენცია ომის დანაშაულის და კაცობრიობის წინააღმდეგ ჩადენილი დანაშაულის შემთხვევაში ხანდაზმულობის ვადის არამართებულობის შესახებ (1968)
27 ნოემბერი - მიღებული იქნა რასის და რასობრივი წინაგანსჯის შესახებ დეკლარაცია (1978)
29 ნოემბერი - პალესტინელ ხალხთან სოლიდარობის საერთაშორისო დღე

დეკემბერი

1 დეკემბერი - შიდსის მსოფლიო დღე
2 დეკემბერი - მონობის გაუქმების საერთაშორისო დღე
2 დეკემბერი - მიღებული იქნა კონვენცია ადამიანების ტრეფიკინგის და სხვათა პროსტიტუციის გამოყენების წინააღმდეგ (1949)
3 დეკემბერი - შეზღუდული შესაძლებლობის მქონე პირთა საერთაშორისო დღე
3 დეკემბერი - მიღებული იქნა ომის დანაშაულის და კაცობრიობის წინაშე დანაშაულის ჩამდენი პირების დეტექციის, ექსტრადიციის და დასჯის საქმეში საერთაშორისო თანამშრომლობის პრინციპები (1973)
3 დეკემბერი - მიღებული იქნა დეკლარაცია ქალთა მონაწილეობის შესახებ საერთაშორისო მშვიდობისა და თანამშრომლობის ხელშეწყობაში (1982)
3 დეკემბერი - მიღებული იქნა დეკლარაცია ბავშვთა დაცვისა და კეთილდღეობის სოციალური და სამართლებრივი პრინციპების შესახებ (1986)
4 დეკემბერი - მიღებული იქნა განვითარების უფლების დეკლარაცია (1986)
4 დეკემბერი - მიღებული იქნა საერთაშორისო კონვენცია დაქირავებული მებრძოლების დაქირავების, გამოყენების, ფინანსირების და ტრენინგის წინააღმდეგ (1989)
5 დეკემბერი - მოხალისეთა საერთაშორისო დღე ეკონომიკური და სოციალური განვითარებისათვის
8 დეკემბერი - მიღებული იქნა კონვენცია სპეციალური მისიების შესახებ (1969)
9 დეკემბერი - მიღებული იქნა გენოციდის დანაშაულის პრევენციის და დასჯის კონვენცია (1948)
9 დეკემბერი - მიღებული იქნა დეკლარაცია შეზღუდული შესაძლებლობების პირების უფლებების შესახებ (1975)
9 დეკემბერი - მიღებული იქნა დეკლარაცია სახელმწიფოთა ინტერვენციისა და საშინაო საქმეებში ჩარევის დაუშვებლობის შესახებ (1981)
9 დეკემბერი - მიღებული იქნა ადამიანის გენომის და ადამიანის უფლებების საყოველთაო დეკლარაცია (1998)
9 დეკემბერი - მიღებული იქნა ინდივიდების, ჯგუფების და საზოგადოებრივი ორგანოების უფლებების და მოვალეობების დეკლარაცია საყოველთაოდ აღიარებული ადამიანის უფლებების და ფუნდამენტური თავისუფლებების უზრუნველყოფის და დაცვის მიზნით (1998)
9 დეკემბერი - მიღებული იქნა ფაქტების დამდგენი დეკლარაცია საერთაშორისო მშვიდობისა და უსაფრთხოების შესანარჩუნებლად (1991)
10 დეკემბერი - ადამიანის უფლებათა დღე
10 დეკემბერი - მიღებული იქნა კონვენცია წამების და სხვა სასტიკი, არაადამიანური და ადამიანის ღირსების შემლახავი მოპყრობის და დასჯის შესახებ (1984)
11 დეკემბერი - მიღებული იქნა სოციალური პროგრესის და განვითარების დეკლარაცია (1969)
12 დეკემბერი - მიღებული იქნა სახელმწიფოთა ეკონომიკური უფლებებისა და მოვალეობების ქარტია (1974)
13 დეკემბერი - მიღებული იქნა ადამიანის უფლებების დეკლარაცია ინდივიდებისთვის, რომლებიც არ არიან იმ ქვეყნის მოქალაქეები, სადაც ცხოვრობენ (1985)
13 დეკემბერი - მიღებული იქნა კონვენცია შეზღუდული შესაძლებლობების მქონე პირების უფლებების დაცვის შესახებ (2006)
14 დეკემბერი - მიღებული იქნა კოლონიური ქვეყნების და ხალხებისთვის დამოუკიდებლობის მინიჭების შესახებ გაეროს დეკლარაცია (1960)
14 დეკემბერი - მიღებული იქნა განათლებაში დისკრიმინაციის საწინააღმდეგო კონვენცია (1960)
14 დეკემბერი - მიღებული იქნა რეზოლუცია “ბუნებრივ რესურსებზე პერმანენტული სუვერენობა” (1962)
14 დეკემბერი - მიღებული იქნა დეკლარაცია გადაუდებელ სიტუაციებში და შეიარაღებულ კონფლიქტებში ქალთა და ბავშვთა დაცვის შესახებ (1974)
15 დეკემბერი - მიღებული იქნა დეკლარაცია მშვიდობისთვის ერების განათლების შესახებ (1978)
16 დეკემბერი - მიღებული იქნა დეკლარაცია საერთაშორისო უსაფრთხოების გაძლიერების შესახებ (1970)
16 დეკემბერი - მიღებული იქნა გაეროს პრინციპები ხანდაზმულ პირთა შესახებ (1991)
17 დეკემბერი - მიღებული იქნა დეკლარაცია შიმშილისა და არასათანადო კვების აღმოფხვრის შესახებ (1974)
17 დეკემბერი - მიღებული იქნა სამართალდამცავი ორგანოების თანამდებობის პირთა ქცევის კოდექსი (1979)
17 დეკემბერი - მიღებული იქნა ფსიქიური დაავადების მქონე პირების დაცვის და ფსიქიური დაავადების მოვლის შესახებ პრინციპები (1991)
18 დეკემბერი - მიგრანტების საერთაშორისო დღე
18 დეკემბერი - მიღებული იქნა დეკლარაცია განიარაღებით მიღებული რესურსების მშვიდობიანი გამოყენებისთვის (1962)
18 დეკემბერი - მიღებული იქნა კონვენცია ქალების მიმართ დისკრიმინაციის ყველა ფორმის ლიკვიდაციის შესახებ (1979)
18 დეკემბერი - მიღებული იქნა საერთაშორისო კონვენცია ყველა შრომითი მიგრანტის და მათი ოჯახის წევრების უფლებების დაცვის შესახებ (1990)
18 დეკემბერი - მიღებული იქნა დეკლარაცია იმ პირების უფლბების შესახებ, რომლებიც მიეკუთვნებიან ეროვნულ ან ეთნიკურ, რელიგიურ და ლინგვისტურ უმცირესობებს (1992)
19 დეკემბერი - მიღებული იქნა ევროპის კულტურული კონვენცია (1954)
19 დეკემბერი - მიღებული იქნა დეკლარაცია ადამიანის უფლებების სწავლების შესახებ (2011)
19 დეკემბერი - მიღებული იქნა დეკლარაცია მშვიდობის უფლების შესახებ (2016)
20 დეკემბერი - ადამიანის სოლიდარობის საერთაშორისო დღე
20 დეკემბერი - მიღებული იქნა დეკლარაცია ინტელექტუალურად შეზღუდული შესაძლებლობების მქონე პირების უფლებების შესახებ (1971)
20 დეკემბერი - მიღებული იქნა დეკლარაცია ქალთა მიმართ ძალადობის აღმოფხვრის შესახებ (1993)
20 დეკემბერი - მიღებული იქნა შეზღუდული შესაძლებლობების მქონე პირებისთვის შესაძლებლოებების გათანაბრების სტანდარტული წესები (1993)
20 დეკემბერი - მიღებული იქნა ეროვნული ინსტიტუტების სტატუსთან დაკავშირებული პრინციპები (პარიზის პრინციპები) (1993)
21 დეკემბერი - მიღებული იქნა საერთაშორისო კონვენცია რასობრივი დისკრიმინაციის ყველა ფორმის აღმოფხვრის შესახებ (1965)
21 დეკემბერი - მიღებული იქნა დეკლარაცია სახელმწიფოთა დამოუკიდებლობისა და სუვერენიტეტის დაცვის შესახებ (1965)
23 დეკემბერი - მიღებული იქნა კონვენცია იძულებითი გაუჩინარებისგან ყველა პირის დაცვის შესახებ (2010)

ადამიანის უფლებების დაბა

საძიებო და საგანმანათლებლო პლატფორმა თქვენთვის საინტერესო ინფორმაციების მისაღებად...

უფლებათა აკადემია

ადამიანის უფლებათა სფეროში საინფორმაციო-საგანმანათლებლო გვერდი...

მოკლედ ადამიანის უფლებების შესახებ

ადამიანის უფლებათა საყოველთაო დეკლარაცია

ადამიანის უფლებები საქართველოს კონსტიტუციაში

ადამიანის უფლებათა დაცვის ეროვნული სტრატეგია

ადამიანის უფლებათა და ძირითად თავისუფლებათა დაცვის ევროპული კონვენცია

საერთაშორისო პაქტი სამოქალაქო და პოლიტიკური უფლებების შესახებ

შეამოწმე შენი ცოდნა

შეამოწმე შენი ცოდნა ადამიანის უფლებების სფეროში; დღეს შერჩეულია ხუთი თემა:

უფლებათა აკადემია

სამოქალაქო განათლება - ბლიც-ინტერვიუ

შეამოწმე რამდენად ფლობ ინფორმაციას სამოქალაქო სფეროში

სულ 10 შეკითხვაა
სწორი პასუხი - 1 ქულა
არასწორი პასუხი - 0 ქულა

დაითვალე 10-დან რამდენ ქულას შეაგროვებ და ამის მიხედვით შეაფასე სამოქალაქო განათლების კუთხით შენი ინფორმირების დონე

პირადი ცხოვრების უფლება

სრული ინფორმაცია

პაციენტის უფლებების დაცვა

სრული ინფორმაცია

შრომითი უფლებები

სრული ინფორმაცია

ეს უნდა იცოდე

სახელმწიფოს როლი ბავშვთა უფლებების დაცვაში

სახელმწიფო ვალდებულია მიიღოს ყველა აუცილებელ საკანონმდებლო, ადმინისტრაციულ და სხვაგვარ ზომა, რათა შექმნას პირობები ბავშვთა უფლებების განხორციელებისათვის.
სახელმწიფო დახმარებას უწევს მშობლებსა და კანონიერ მეურვეებს ბავშვის აღზრდაში. სახელმწიფომ უნდა უზრუნველყოს, რომ ბავშვე სათანადო ზრუნვა ხდებოდეს და უნდა დაიცვას ბავშვი მშობლებისა თუ მასზე მზრუნველი ნებისმიერი სხვა ადამიანის მხრიდან ძალადობის, შეურაცხყოფისა და უგულებელყოფისგან.
თუ ბავშვი მოკლებულია ოჯახის ზრუნვას, სახელმწიფო უწევს მას განსაკუთრებულ მფარველობას და დახმარებას. სახელმწიფო ვალდებულია ხელი შეუწყოს განათლებისა და ჯანდაცვის ხელმისაწვდომობას ყველა ბავშვისათვის, განსაკუთრებით კი შეზღუდული შესაძლებლობების მქონე ბავშვთათვის.
სახელმწიფომ უნდა დაიცვას ბავშვი ისეთი შრომისგან, რომელმაც შეიძლება ავნოს მის ჯანმრთელობას ან განვითარებას, ხელი შეუშალოს მის განათლებას ან გამოიწვიოს ბავშვის ექსპლუატაცია სხვა ადამიანების მხრიდან.
სახელმწიფომ უნდა დაიცვას ბავშვი სახიფათო ნარკოტიკული საშუალებების მოხმარებისგან, სექსუალური ექსპლუატაციისგან, მოტაცებისგან, გაყიდვისა და სხვა ქვეყნებში ექსპლუატაციის მიზნით წაყვანისგან, ასევე - წამებისა და ღირსებისშემლახველი მოპყრობისაგან.

მშობლების და ოჯახის როლი ბავშვის აღზრდაში

ოჯახსა და მშობლებს აკისრიათ უმთავრესი პასუხისმგებლობა ბავშვის აღზრდასა და განვითარებაში. ორივე მშობელს შვილების მიმართ თანაბარი უფლება-მოვალეობები აქვთ. მშობლები უფლებამოსილი და ვალდებული არიან, აღზარდონ თავიანთი შვილები, იზრუნონ მათი ფიზიკური, გონებრივი, სულიერი და სოციალური განვითარებისათვის.
მშობლებს აქვთ ბავშვის რჩენის ვალდებულება. მშობლებს ევალებათ, დაიცვან თავიანთი არასრულწლოვანი შვილების უფლებები და ინტერესები, რაც მოიცავს შვილების ქონების მართვასა და გამოყენებას. მშობლებს ენიჭებათ უფლება და ეკისრებათ ვალდებულება, ჰქონდეთ ურთიერთობა თავიანთ შვილებთან, განსაზღვრონ თავიანთ შვილებთან მესამე პირთა ურთიერთობის უფლება. მშობლები არასრულწლოვანი შვილების კანონიერი წარმომადგენლები არიან და განსაკუთრებულ რწმუნებულებათა გარეშე გამოდიან მათი უფლებებისა და ინტერესების დასაცავად მესამე პირებთან ურთიერთობაში, მათ შორის, სასამართლოში.
მშობელს, რომელიც სისტემატურად თავს არიდებს მშობლის მოვალეობების შესრულებას და არაჯეროვნად იყენებს მშობლის უფლებებს – ბავშვს უხეშად ექცევა, მასზე უარყოფით გავლენას ახდენს ამორალური საქციელით, ან რომელიც ქრონიკული ალკოჰოლიკი ან ნარკომანია, ანდა რომელმაც ბავშვი ჩააბა ანტისაზოგადოებრივ ქმედებაში (მათ შორის, მათხოვრობა, მაწანწალობა), ჩამოერთმევა მშობლის ყველა უფლება და მოვალეობა. მშობლის უფლებებისა და მოვალეობების ჩამორთმევა უკანასკნელი ზომაა, რის შესახებაც გადაწყვეტილება გამოაქვს სასამართლოს.

ვინ ითვლება ბავშვად

ბავშვად ითვლება 18 წლამდე ასაკის ადამიანი (არასრულწლოვანი). 7-წლამდე ასაკის ბავშვი ქმედუუნაროა, ხოლო 7-დან 18 წლამდე არასრულწლოვანი კი შეზღუდული ქმედუნარიანობის მქონეა. შესაბამისად, ბავშვის უფლებებისა და ინტერესების დაცვისა საკითხებში ბავშვს წარმოადგენენ მშობლები, ან სხვა კანონიერი წარმოამდგენლები.

ბავშვთა უფლებები

გაეროს ბავშვთა უფლებათა კონვენციის თანახმად, ბავშვს აქვს:

სიცოცხლისა და ჯანსაღი განვითარების უფლება;
მოქალაქეობის უფლება;
ინდივიდუალობის შენარჩუნების უფლება;
დამცირების, სასტიკი მოპყრობისა და დასჯისგან თავის დაცვის უფლება;
ოჯახში აღზრდის და მშობლებთან კონტაქტის უფლება (მათთან განშორების შემთხვევაში);
საკუთარი შეხედულებების თავისუფლად გამოხატვის უფლება;
ინფორმაციის მოძიების, მიღების და გავრცელების თავისუფლება;
აზრის, სინდისისა და რელიგიის თავისუფლება;
გაერთიანებისა და მშვიდობიანი შეკრების თავისუფლება;
პირადი ცხოვრების ხელშეუხებლობის უფლება;
ჯანმრთელობის დაცვისა და სამედიცინო მომსახურების მიღების უფლება;
განათლების უფლება;
ფიზიკური, გონებრივი, სულიერი, ზნეობრივი და სოციალური განვითარებისათვის საჭირო ცხოვრების დონის უფლება;
სოციალური უზრუნველყოფის უფლება;
დასვენებისა და თავისუფალი დროის უფლება.

სახელმწიფოს ზრუნვა ოჯახურ მზრუნველობას მოკლებულ, სოციალურად დაუცველ, მიუსაფარ და მიტოვების რისკის ქვეშ მყოფ ბავშვებზე

საქართველოში მოქმედებს “სოციალური რეაბილიტაციისა და ბავშვზე ზრუნვის სახელმწიფო პროგრამა”, რომლის ფარგლებშიც ხორციელდება ოჯახურ მზრუნველობას მოკლებულ, სოციალურად დაუცველ, მიუსაფარ და მიტოვების რისკის ქვეშ მყოფ ბავშვთათვის განკუთვნილი ქვეპროგრამები:

კრიზისულ მდგომარეობაში მყოფი ბავშვიანი ოჯახების გადაუდებელი დახმარების ქვეპროგრამა;
დღის ცენტრების ქვეპროგრამა;
დედათა და ბავშვთა თავშესაფრით უზრუნველყოფის ქვეპროგრამა;
მინდობით აღზრდის ქვეპროგრამა;
მცირე საოჯახო ტიპის სახლების ქვეპროგრამა;
მიუსაფარ ბავშვთა თავშესაფრით უზრუნველყოფის ქვეპროგრამა

სახელმწიფოს ზრუნვა შეზღუდული შესაძლებლობის მქონე ბავშვებზე

საქართველოში მოქმედებს “სოციალური რეაბილიტაციისა და ბავშვზე ზრუნვის სახელმწიფო პროგრამა”, რომლის ფარგლებშიც ხორციელდება შეზღუდული შესაძლებლობის მქონე ბავშვთათვის განკუთვნილი ქვეპროგრამები:

ბავშვთა ადრეული განვითარების ქვეპროგრამა;
ბავშვთა რეაბილიტაციის/აბილიტაციის ქვეპროგრამა;
დამხმარე საშუალებებით (სავარძელ-ეტლებით; საპროთეზო-ორთოპედიული საშუალებებით; სმენის აპარატებით, კოხლეარული იმპლანტით; ყავარჯნებით, ხელჯოხ-ყავარჯნებით, უსინათლოთა ხელჯოხებითა და გადასაადგილებელი ჩარჩოებით) უზრუნველყოფის ქვეპროგრამა;
ყრუთა კომუნიკაციის ხელშეწყობის ქვეპროგრამა;
მძიმე და ღრმა გონებრივი განვითარების შეფერხების მქონე ბავშვთა ბინაზე მოვლის ქვეპროგრამა;
მძიმე და ღრმა შეზღუდული შესაძლებლობის ან ჯანმრთელობის პრობლემების მქონე ბავშვთა სპეციალიზებული საოჯახო ტიპის მომსახურების ქვეპროგრამა.

ოჯახში ძალადობა

ოჯახში ძალადობა გულისხმობს ოჯახის ერთი წევრის მიერ მეორის კონსტიტუციური უფლებებისა და თავისუფლებების დარღვევას ფიზიკური, ფსიქოლოგიური, ეკონომიკური, სექსუალური ძალადობით ან იძულებით.

ქალთა მიმართ ძალადობა

ქალთა მიმართ ძალადობა გულისხმობს საზოგადოებრივ თუ პირად ცხოვრებაში ქალების მიმართ გენდერული ნიშნით ჩადენილი ძალადობისათვის დამახასიათებელ ყველა ქმედებას, რომელთაც შედეგად მოჰყვება ან შეიძლება მოჰყვეს ქალებისთვის ფიზიკური, ფსიქოლოგიური ან სექსუალური ტანჯვის ან ეკონომიკური ზიანის მიყენება, მათ შორის, ასეთი ქმედებების ჩადენის მუქარა, ქალების იძულება ან მათთვის თავისუფლების თვითნებური აღკვეთა.

ძალადობის ფორმები

ფიზიკური ძალადობა: ცემა, წამება, ჯანმრთელობის დაზიანება, თავისუფლების უკანონო აღკვეთა ან სხვა ისეთი მოქმედება, რომელიც იწვევს ფიზიკურ ტკივილს ან ტანჯვას; ჯანმრთელობის მდგომარეობასთან დაკავშირებული მოთხოვნების დაუკმაყოფილებლობა, რაც იწვევს ოჯახის წევრის ჯანმრთელობის დაზიანებას ან სიკვდილს;
ფსიქოლოგიური ძალადობა: შეურაცხყოფა, შანტაჟი, დამცირება, მუქარა ან სხვა ისეთი მოქმედება, რომელიც ადამიანის პატივისა და ღირსების შელახვას იწვევს;

ეკონომიკური ძალადობა: ქმედება, რომელიც იწვევს საკვებით, საცხოვრებელი და ნორმალური განვითარების სხვაპირობებით უზრუნველყოფის, საკუთრებისა და შრომის უფლებების განხორციელების, აგრეთვე თანასაკუთრებაში არსებული ქონებით სარგებლობისა და კუთვნილი წილის განკარგვის უფლებით შეზღუდვას;

სექსუალური ძალადობა: სქესობრივი კავშირი ძალადობით, ძალადობის მუქარით ან მსხვერპლის უმწეობის გამოყენებით; სქესობრივი კავშირი ან სექსუალური ხასიათის სხვაგვარი მოქმედება ან გარყვნილი ქმედება არასრულწლოვნის მიმართ;

იძულება: ადამიანის ფიზიკური ან ფსიქოლოგიური იძულება, შეასრულოს ან არ შეასრულოს მოქმედება, რომლის განხორციელება, ან რომლისგან თავის შეკავება, მისი უფლებაა, ან საკუთარ თავზე განიცადოს თავისი ნება-სურვილის საწინააღმდეგო ზემოქმედება.

უგულებელყოფა: მშობლის ან/და კანონიერი წარმომადგენლის მიერ ბავშვის ფიზიკური, ფსიქოლოგიური საჭიროებების დაუკმაყოფილებლობა, საბაზისო განათლების უფლების შეზღუდვა, საფრთხისაგან დაუცველობა, დაბადების რეგისტრაციის, სამედიცინო და სხვა მომსახურებით სარგებლობისათვის აუცილებელი მოქმედებების განუხორციელებლობა მაშინ, როდესაც მშობელს ან/და კანონიერ წარმომადგენელს აქვს სათანადო ინფორმაცია, შესაძლებლობა და ხელიც მიუწვდება შესაბამის მომსახურებაზე.

ვინ ითვლება ოჯახის წევრად და სხვა პასუხისმგებელ პირად ოჯახში ძალადობის დროს

ოჯახის წევრად ოჯახში ძალადობის დროს ითვლება დედა, მამა, პაპა, ბებია, მეუღლე, შვილი (გერი), ნაშვილები, მინდობით აღსაზრდელი, მშვილებელი, მშვილებლის მეუღლე, მინდობით აღმზრდელი (დედობილი, მამობილი), შვილიშვილი, და, ძმა, მეუღლის მშობელი, სიძე, რძალი, ყოფილი მეუღლე, არარეგისტრირებულ ქორწინებაში მყოფი პირი და მისი ოჯახის წევრი, მეურვე, მზრუნველი, მხარდამჭერი, აგრეთვე პირები, რომლებიც მუდმივად ეწევიან ან ეწეოდნენ ერთიან საოჯახო მეურნეობას. ასევე, პირი, რომელთანაც სამართლებრივი აქტის ან სამოქალაქო სამართლებრივი გარიგების საფუძველზე ფაქტობრივად იმყოფება/ცხოვრობს არასრულწლოვანი, რომელზე ზრუნვისა და რომლის კანონიერი ინტერესების დაცვის ვალდებულებაც დაეკისრა აღნიშნულ პირს იმავე სამართლებრივი აქტის ან სამოქალაქო სამართლებრივი გარიგების საფუძველზე;

ვინ შეიძლება ჩაითვალოს ძალადობის მსხვერპლად

მსხვერპლი არის ქალი, აგრეთვე ოჯახის ნებისმიერი წევრი, რომელთა კონსტიტუციური უფლებები და თავისუფლებები დაირღვა უგულებელყოფით ან/და ფიზიკური, ფსიქოლოგიური, ეკონომიკური ან სექსუალური ძალადობით ან იძულებით და რომლებსაც მსხვერპლის სტატუსი განუსაზღვრა საქართველოს შინაგან საქმეთა სამინისტროს შესაბამისმა სამსახურმა, სასამართლო ორგანომ ან/და გენდერული თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორის კომისიასთან არსებულმა ქალთა მიმართ ძალადობის ან/და ოჯახში ძალადობის მსხვერპლის სტატუსის განმსაზღვრელმა ჯგუფმა (შემდგომ − მსხვერპლის იდენტიფიცირების ჯგუფი). მსხვერპლად მიიჩნევა აგრეთვე არასრულწლოვანი, რომლის კანონიერი ინტერესები უგულებელყოფილია და რომელსაც მსხვერპლის სტატუსი განუსაზღვრა საქართველოს შინაგან საქმეთა სამინისტროს შესაბამისმა სამსახურმა, სასამართლო ორგანომ ან/და მსხვერპლის იდენტიფიცირების ჯგუფმა. მსხვერპლად მიიჩნევა აგრეთვე არასრულწლოვანი, რომელიც სამართლებრივი აქტის ან სამოქალაქო სამართლებრივი გარიგების საფუძველზე ან მათ გარეშე ფაქტობრივად იმყოფება/ცხოვრობს სხვა პასუხისმგებელ პირთან ან ნებისმიერ სხვა პირთან, რომელმაც დაარღვია მისი კონსტიტუციური უფლებები და თავისუფლებები უგულებელყოფით ან/და ფიზიკური, ფსიქოლოგიური, სექსუალური ან ეკონომიკური ძალადობით ან იძულებით, და რომელიც მოძალადისგან სოციალურმა მუშაკმა განაცალკევა. მსხვერპლად მიიჩნევა აგრეთვე ბავშვი, რომელიც ძალადობის მოწმეა;

ოჯახში ძალადობის სავარაუდო მსხვერპლი არის პირი, რომელსაც მიაჩნია, რომ არის მსხვერპლი, და რომელიც მსხვერპლის სტატუსის განსაზღვრის მიზნით შესაბამის სამსახურს/ორგანოს/მსხვერპლის იდენტიფიცირების ჯგუფს მიმართავს

ვინ ითვლება მოძალადედ

ოჯახის წევრი, რომელიც არღვევს ოჯახის სხვა წევრის კონსტიტუციურ უფლებებსა და თავისუფლებებს უგულებელყოფით ან/და ფიზიკური, ფსიქოლოგიური, სექსუალური ან ეკონომიკური ძალადობით ან იძულებით. მოძალადედ მიიჩნევა აგრეთვე ოჯახის წევრი ან ნებისმიერი სხვა პირი, რომელიც საზოგადოებრივ თუ პირად ცხოვრებაში ქალის მიმართ გენდერული ნიშნით ახორციელებს ფიზიკურ, ფსიქოლოგიურ, სექსუალურ ან ეკონომიკურ ძალადობას ან იძულებას. მოძალადედ მიიჩნევა აგრეთვე სხვა პასუხისმგებელი პირი ან ნებისმიერი სხვა პირი, რომელიც არღვევს სამართლებრივი აქტის ან სამოქალაქოსამართლებრივი გარიგების საფუძველზე ან მათ გარეშე მასთან ფაქტობრივად მყოფი/მცხოვრები არასრულწლოვნის კონსტიტუციურ უფლებებსა და თავისუფლებებს უგულებელყოფით ან/და ფიზიკური, ფსიქოლოგიური, სექსუალური ან ეკონომიკური ძალადობით ან იძულებით;

შესაბამისი ორგანოებისათვის ძალადობის ფაქტის შეტყობინების უფლება

ქალთა მიმართ ძალადობის ან/და ოჯახში ძალადობის შემთხვევის გამოვლენას და მასზე შესაბამის რეაგირებას უზრუნველყოფენ სამართალდამცავი ორგანოები და სასამართლო ორგანოები, აგრეთვე ამ კანონით დადგენილი წესით − მსხვერპლის იდენტიფიცირების ჯგუფი. ქალთა მიმართ ძალადობის ან/და ოჯახში ძალადობის ფაქტის პირველადი იდენტიფიკაციის და მასზე რეაგირების მიზნით შესაბამისი ორგანოებისადმი მიმართვის ვალდებულება აკისრიათ სამედიცინო დაწესებულებების, არასრულწლოვანთა შემთხვევაში − აგრეთვე საგანმანათლებლო და სააღმზრდელო დაწესებულებების, საჯარო სამართლის იურიდიული პირის − სოციალური მომსახურების სააგენტოს, მეურვეობისა და მზრუნველობის ორგანოს უფლებამოსილ თანამშრომლებს და საქართველოს კანონმდებლობით გათვალისწინებულ სხვა სუბიექტებს.

ქალთა მიმართ ან/და ოჯახში ძალადობის შემთხვევაში სასამართლოსთვის მიმართვის უფლება

ქალთა მიმართ ძალადობის ან/და ოჯახში ძალადობის შემთხვევაში სასამართლოსათვის მიმართვის უფლება აქვთ მსხვერპლს/სავარაუდო მსხვერპლს და მისი ოჯახის წევრს, ხოლო არასრულწლოვნის მიმართ ძალადობის შემთხვევაში – აგრეთვე მეურვეობისა და მზრუნველობის ორგანოს. ასევე, ქალთა მიმართ ძალადობის ან/და ოჯახში ძალადობის შემთხვევაში სასამართლოსათვის მხოლოდ მსხვერპლის თანხმობით მიმართვის უფლება აქვს პირს, რომელიც მსხვერპლს სამედიცინო, იურიდიულ, ფსიქოლოგიურ დახმარებას უწევს.

სამართლებრივი დაცვის მექანიზმები არსებობს ქალთა მიმართ ან/და ოჯახში ძალადობის გამოვლენისადა აღკვეთისათვის

ქალთა მიმართ ან/და ოჯახში ძალადობის გამოვლენისა და აღკვეთისათვის გამოიყენება სისხლისსამართლებრივი, სამოქალაქო-სამართლებრივი და ადმინისტრაციულ-სამართლებრივი მექანიზმები.
ადმინისტრაციულ-სამართლებრივი მექანიზმები გამოიყენება, თუ სამართალდარღვევა, კანონმდებლობის შესაბამისად, არ იწვევს სისხლის სამართლის პასუხისმგებლობას და მისი აღკვეთა შესაძლებელია ადმინისტრაციულ სამართალდარღვევათა კოდექსის ნორმების შესაბამისად.

საქართველოს კანონი, ოჯახური ძალადობის ფაქტზე ოპერატიული რეაგირებისათვის უფლებამოსილი ორგანოს ან თანამდებობის პირის მიერ მსხვერპლთა დაცვისა და მოძალადისათვის გარკვეული მოქმედებების შეზღუდვის უზრუნველსაყოფად, დროებითი ღონისძიების სახით, იყენებს დამცავ და შემაკავებელ ორდერებს.

დამცავი ორდერი არის პირველი ინსტანციის სასამართლოს (მოსამართლის) მიერ ადმინისტრაციული სამართალწარმოების წესით გამოცემული აქტი, რომლითაც, ოჯახში ძალადობის შემთხვევაში, განისაზღვრება ძალადობის მსხვერპლთა დაცვის დროებითი ღონისძიებები. ეს ღონისძიებები არ გამოიყენება იმ შემთხვევაში, თუ პირის მიმართ დაწყებულია სისხლისსამართლებრივი დევნა და მას აღკვეთის ღონისძიების სახით შეფარდებული აქვს პატიმრობა.

შემაკავებელი ორდერი შემაკავებელი ორდერი არის პოლიციის უფლებამოსილი თანამშრომლის მიერ გამოცემული აქტი, რომლითაც განისაზღვრება ქალთა მიმართ ძალადობის ან/და ოჯახში ძალადობის შემთხვევაში მსხვერპლის დაცვის დროებითი ღონისძიებები და რომელიც, ამოქმედდება გამოცემისთანავე. იგი 24 საათის განმავლობაში ეგზავნება/ჰბარდება მსხვერპლსა და მოძალადეს, ხოლო შემაკავებელი ორდერის ერთი ეგზემპლარი რჩება მის გამომცემ ორგანოში.

განსხვავება შემაკავებელ და დამცავ ორდერებს შორის

ემაკავებელ ორდერს პოლიციის თანამშრომელი, უშუალოდ, ფაქტზე რეაგირების დროს (კონკრეტული ძალადობის ფაქტის დროს პოლიციის გამოძახებისას) გამოსცემს და იგი დაუყოვნებლივ შედის ძალაში. შემაკავებელი ორდერის ასლი, ასევე დაუყოვნებლივ ეგზავნება: საქართველოს შინაგან საქმეთა სამინისტროს ტერიტორიული ორგანოს შესაბამის საუბნო სამსახურს მსხვერპლის საცხოვრებელი ადგილის მიხედვით, შემაკავებელი ორდერით გათვალისწინებული მოთხოვნებისა და ვალდებულებების დარღვევაზე რეაგირების მიზნით, საინფორმაციო-ანალიტიკურ დეპარტამენტს, შესაბამისი ინფორმაციის სათანადო ელექტრონულ მონაცემთა ბაზაში აღრიცხვის, სამართალდარღვევებზე სწრაფი და ეფექტიანი რეაგირებისა და სტატისტიკური მონაცემების წარმოების მიზნით და საჯარო სამართლის იურიდიულ პირს – საქართველოს შინაგან საქმეთა სამინისტროს მომსახურების სააგენტოს, თუ შემაკავებელი ორდერი იარაღთან დაკავშირებულ საკითხებს შეეხება; ასევე, მეურვეობისა და მზრუნველობის შესაბამის ადგილობრივ ორგანოს, თუ შემაკავებელი ორდერით გათვალისწინებული საკითხი არასრულწლოვანს შეეხება. მსხვერპლმა ან მოძალადემ შემაკავებელი ორდერი შეიძლება გაასაჩივროს მისთვის ამ ორდერის გადაცემიდან/ჩაბარებიდან 3 დღის ვადაში.

სასამართლო, უფლებამოსილი პირის განცხადების მიღებიდან, 10 დღის ვადაში განიხილავს და გადაწყვეტილებას იღებს დამცავი ორდერის გამოცემის, გაუქმების, მოქმედების გაგრძელების ან გამოცემაზე უარის თქმის შესახებ.

კანონის თანახმად, დამცავი ორდერის გამოცემის მოთხოვნის უფლება აქვს მსხვერპლს, აგრეთვე მისი ოჯახის წევრს ან პირს, მსხვერპლის თანხმობით, რომელიც მსხვერპლს სამედიცინო, იურიდიულ, ფსიქოლოგიურ დახმარებას უწევს. აღნიშნულის თაობაზე ხსენებულმა პირებმა განცხადებით უნდა მიმართონ სასამართლოს.

შემაკავებელი და დამცავი ორდერების მოქმედების ვადა

დამცავი ორდერი გამოიცემა 6 თვემდე ვადით. მისი მოქმედების კონკრეტულ ვადას განსაზღვრავს სასამართლო.

დამცავი ორდერის მოქმედების ვადის გაგრძელება შესაძლებელია ორდერის მოქმედების პერიოდში, და დამატებით – არა უმეტეს 3 თვისა, თუ არსებობს საფრთხე მსხვერპლის ან ოჯახის სხვა წევრის მიმართ.

მხარეთა შერიგებისას მათ მიერ სასამართლოსათვის/პოლიციის უფლებამოსილი თანამშრომლისათვის ერთობლივი მიმართვის საფუძველზე დამცავი და შემაკავებელი ორდერების მოქმედება შეიძლება გაუქმდეს მოსამართლის/პოლიციის უფლებამოსილი თანამშრომლის შესაბამისი გადაწყვეტილებით, საქმის გარემოებების ყოველმხრივი და სრულყოფილი შესწავლის შედეგად, გარდა იმ შემთხვევისა, როდესაც ჯერ კიდევ არსებობს მსხვერპლის ან მისი ოჯახის სხვა წევრის მიმართ ძალადობის ჩადენის საფრთხე, აგრეთვე თუ მსხვერპლისა და მოძალადის შერიგება არ აფერხებს დამცავი და შემაკავებელი ორდერების გამოცემას და არ იწვევს დამცავი და შემაკავებელი ორდერების მოქმედების გაუქმებას, თუ ჯერ კიდევ არსებობს მსხვერპლის ან მისი ოჯახის სხვა წევრის მიმართ ძალადობის ჩადენის საფრთხე ან ქალის მიმართ ძალადობის ან/და ოჯახში ძალადობის ფაქტი ეწინააღმდეგება მსხვერპლის ოჯახის სხვა წევრთა (განსაკუთრებით – არასრულწლოვნის) ინტერესებს.
შემაკავებელი ორდერი გამოიცემა 1 თვემდე ვადით.

რა სახის დახმარებითა და უფლებებით შეიძლება ისარგებლოს მსხვერპლმა

მიმართოს შესაბამის სახელმწიფო ორგანოს დამცავი ორდერის ან შემაკავებელი ორდერის გამოცემის მოთხოვნით, ხოლო გამოცემული დამცავი ორდერის ან შემაკავებელი ორდერის პირობების დარღვევისას − მასზე რეაგირების მოთხოვნით;
მიმართოს შესაბამის სახელმწიფო ორგანოს ქალთა მიმართ ძალადობის ან/და ოჯახში ძალადობის ფაქტის სიმძიმის გათვალისწინებით ან გამოცემული დამცავი და შემაკავებელი ორდერების პირობების დარღვევის შემთხვევაში ქალთა მიმართ ძალადობის ან/და ოჯახში ძალადობის გამოვლენისა და აღკვეთისათვის სისხლისსამართლებრივი მექანიზმების გამოყენების მოთხოვნით;
მიმართოს შესაბამის სასამართლო ორგანოს ქალთა მიმართ ძალადობის ან/და ოჯახში ძალადობის შედეგად მისთვის მიყენებული ზიანის მოძალადის მიერ ანაზღაურების მოთხოვნით;
ისარგებლოს თავშესაფრით/კრიზისული ცენტრით და იქ არსებული მომსახურებით;
თავშესაფარში/კრიზისულ ცენტრში განთავსებისას ისარგებლოს უფასო სამართლებრივი კონსულტაციით, უფასო პირველადი და გადაუდებელი სამედიცინო მომსახურებით და ფსიქოლოგიური დახმარებით;
თავშესაფარში/კრიზისულ ცენტრში ყოფნისას ისარგებლოს შრომითი ურთიერთობის შეჩერების უფლებით. მისი შეჩერების ვადა არ უნდა აღემატებოდეს წელიწადში 30 კალენდარულ დღეს;
მიმართოს შესაბამის სახელმწიფო ორგანოს საქართველოში ყოფნისათვის დროებითი ბინადრობის ნებართვის მისაღებად, თუ იგი უცხოელი ან მოქალაქეობის არმქონე პირია;
„იურიდიული დახმარების შესახებ“ საქართველოს კანონით დადგენილი წესით ისარგებლოს იურიდიული დახმარებით სახელმწიფოს ხარჯზე;

რა უფლებები შეიძლება შეეზღუდოს მოძალადეს დამცავი ორდერის გამოცემით

მსხვერპლთან, ან მისი დაცვის ქვეშ მყოფ პირთან მიახლოება;
თანასაკუთრებაში არსებული ქონების განკარგვა;
არასრულწლოვანთან ურთიერთობა;
იარაღის შეძენა, შეძენაზე ნებართვის მოპოვება, მათ შორის სამსახურეობრივი საშტატო იარაღით სარგებლობის უფლება.

შესაძლოა, ორდერის გამოცემისას ერთდროულად დადგეს ყველა სახის შეზღუდვა.

როგორ უნდა მოვიქცეთ, თუ ვხედავ, რომ ბავშვი მათხოვრობს, უმეთვალყურეოდ არის დარჩენილი ან სძინავს ქუჩაში

დარეკეთ და შეატყობინეთ სოციალური მომსახურების სააგენტოს ცხელ ხაზზე 1505, თუ ხედავთ, რომ ბავშვი არის უმეთვალყურეოდ ქუჩაში; მათხოვრობს ან ვაჭრობს მარტო, ან ზრდასრულ პირთან ერთად; დღისით ან ღამით სძინავს ქუჩაში; არის სასკოლო ასაკის, მაგრამ დღის განმავლობაში მას ხშირად ხვდებით ქუჩაში.

რა შემთხვევაში მიიჩნევა ბავშვი ოჯახში ძალადობის მსხვერპლად

ბავშვი მიიჩნევა ოჯახში ძალადობის მსხვერპლად, თუკი ოჯახის წევრი არღვევს ბავშვის კონსტიტუციურ უფლებებისა და თავისუფლებებს ისეთი ფორმებით, როგორებიცაა უგულებელყოფა ან/და ფიზიკური, ფსიქოლოგიური, ეკონომიკური, სექსუალური ძალადობა ან იძულება.
მსხვერპლად მიიჩნევა არასრულწლოვანი, რომლის კანონიერი ინტერესები უგულებელყოფილია, კერძოდ, როცა მშობლები ან სხვა კანონიერი წარმომადგენლები არ აკმაყოფილებენ ბავშვის ფიზიკურ და ფსიქოლოგიურ საჭიროებებს, არ იცავენ ბავშვს საფრთხისგან, უზღუდავენ ბავშვს საბაზისო განათლების უფლებას, არ ახორციელებენ ბავშვის დაბადების რეგისტრაციის, სამედიცინო და სხვა მომსახურებებით სარგებლობისათვის აუცილებელ მოქმედებებს.
მსხვერპლად მიიჩნევა აგრეთვე ბავშვი, რომელიც ძალადობის მოწმეა.

როგორც იცავს კანონმდებლობა ბავშვს, თუ ის გახდა ოჯახში ძალადობის მსხვერპლი

სახელმწიფო ვალდებულია დაიცვას ბავშვი მშობლებისა თუ მასზე მზრუნველი ნებისმიერი სხვა ადამიანის მხრიდან ძალადობის, შეურაცხყოფისა და უგულებელყოფისგან.
საქართველოს მთავრობის მიერ დამტკიცებულია “ბავშვთა დაცვის მიმართვიანობის (რეფერირების) პროცედურები”, რომელთა მიზანია ოჯახში და მის გარეთ ბავშვის ძალადობის ყველა ფორმისგან დაცვის ხელშეწყობა. აღნიშნული პროცედურების ფარგლებში კომპეტენტური ორგანოები ახორციელებენ: ძალადობის მსხვერპლი ბავშვის გამოვლენას; ბავშვის მდგომარეობის შეფასებას; ბავშვზე ძალადობის შემთხვევის შესახებ შესაბამისი ორგანოების ინფორმირებას; საჭიროების შემთხვევაში, მოძალადისაგან ბავშვის განცალკევებას; ძალადობის შემთხვევაზე ზედამხედველობას.
ბავშვის მიმართ ძალადობისას, მსხვერპლის დაცვა და დახმარება უმთავრესად პოლიციისა და სოციალური მომსახურების სააგენტოს პასუხისმგებლობას განეკუთვნება. თუმცა ნებისმიერი პირი ან უწყება, რომელსაც რაიმე შეხება აქვს ბავშვთან, ვალდებულია აცნობონ პოლიციას ან/და სოციალური მომსახურების სააგენტოს ბავშვზე ძალადობის ფაქტის შესახებ.
პოლიცია: ოპერატიულად რეაგირებს ბავშვზე ძალადობის ფაქტების გამოვლენაზე; აღკვეთს ბავშვზე ძალადობის ფაქტებს; სოციალურ მუშაკთან ერთად აღასრულებს ოჯახისგან (მოძალადისგან) ბავშვის განცალკევების გადაწყვეტილებას; გადაუდებელ შემთხვევაში უზრუნველყოფს ბავშვის გადაყვანას სამედიცინო დაწესებულებაში; გამოსცემს შემაკავებელ ორდერს და იღებს გადაწყვეტილებას ბავშვის განცალკევების შესახებ.
სოციალური მომსახურების სააგენტო ახორციელებს: ძალადობის მსხვერპლი ან სავარაუდო მსხვერპლი ბავშვის შეფასებას; შემთხვევის მართვას; კონსულტირებას; საჭირო მომსახურებებში ბავშვის განთავსებას; ბავშვის მდგომარეობაზე ზედამხედველობას

რა არის დისკრიმინაცია

დისკრიმინაცია არის ისეთი მოპყრობა ან პირობების შექმნა, რომელიც პირს, რაიმე ნიშნის მიხედვით, არახელსაყრელ მდგომარეობაში აყენებს ანალოგიურ პირობებში მყოფ სხვა პირებთან შედარებით, ან თანაბარ მდგომარეობაში აყენებს არსებითად უთანასწორო პირობებში მყოფ პირებს.

საქართველოში მოქმედებს კანონი „დისკრიმინაციის ყველა ფორმის აღმოფხვრის შესახებ“, რომლის მიზანიცაა დისკრიმინაციის ყველა ფორმის აღმოფხვრა და ნებისმიერი ფიზიკური და იურიდიული პირისათვის საქართველოს კანონმდებლობით დადგენილი უფლებებით თანასწორად სარგებლობის უზრუნველყოფა, რასის, კანის ფერის, ენის, სქესის, ასაკის, მოქალაქეობის, წარმოშობის, დაბადების ადგილის, საცხოვრებელი ადგილის, ქონებრივი ან წოდებრივი მდგომარეობის, რელიგიის ან რწმენის, ეროვნული, ეთნიკური ან სოციალური კუთვნილების, პროფესიის, ოჯახური მდგომარეობის, ჯანმრთელობის მდგომარეობის, შეზღუდული შესაძლებლობის, სექსუალური ორიენტაციის, გენდერული იდენტობისა და გამოხატვის, პოლიტიკური ან სხვა შეხედულების ან სხვა ნიშნის მიუხედავად.

ვის შეიძლება მივმართო, თუ ვთვლი, რომ გავხდი დისკრიმინაციის მსხვერპლი

ნებისმიერ პირს, რომელიც თავს დისკრიმინაციის მსხვერპლად მიიჩნევს, უფლება აქვს, სასამართლოში შეიტანოს სარჩელი იმ პირის/დაწესებულების წინააღმდეგ, რომელმაც, მისი ვარაუდით, მის მიმართ დისკრიმინაცია განახორციელა, და მოითხოვოს მორალური ან/და მატერიალური ზიანის ანაზღაურება. სასამართლოსთვის სარჩელით მიმართვის წესი განისაზღვრება საქართველოს სამოქალაქო საპროცესო კოდექსით.
ნებისმიერ პირს, ასევე უფლება აქვს მიმართოს სახალხო დამცველს, რომელიც ახორციელებს ზედამხედველობას დისკრიმინაციის აღმოფხვრისა და თანასწორობის უზრუნველყოფაზე. სახალხო დამცველისათვის მიმართვის წესი განისაზღვრება „დისკრიმინაციის ყველა ფორმის აღმოფხვრის შესახებ“ კანონით.

რა ღონისძიებების განხორციელების ვალდებულება ეკისრებათ დაწესებულებებს დისკრიმინაციის აღმოსაფხვრელად

დისკრიმინაციის აღმოსაფხვრელად ნებისმიერი დაწესებულება ვალდებულია:

თავისი საქმიანობა, აგრეთვე სამართლებრივი აქტები და შიდა რეგულაციები, თუ ისინი არსებობს, შეუსაბამოს ამ კანონსა და სხვა ანტიდისკრიმინაციულ კანონმდებლობას;
სავარაუდო დისკრიმინაციის ნებისმიერ ფაქტზე სწრაფი და ეფექტიანი რეაგირება მოახდინოს;
დისკრიმინაციის ფაქტის დადასტურების შემთხვევაში საქართველოს კანონმდებლობისა და შიდა რეგულაციების შესაბამისად პასუხისმგებლობა დააკისროს მის დაქვემდებარებაში მყოფ დამრღვევ პირს და უზრუნველყოს დისკრიმინაციის შედეგების აღმოფხვრა მესამე პირის უფლებებისა და კანონიერი ინტერესების შეულახავად.

შეზღუდული შესაძლებლობის მქონე პირი

შეზღუდული შესაძლებლობის მქონე პირთა უფლებების შესახებ გაერთიანებული ერების 2006 წლის კონვენციის პირველი მუხლის თანახმად, შეზღუდული შესაძლებლობის მქონე პირებს მიეკუთვნებიან პირები, ფიზიკური, ფსიქიკური, ინტელექტუალური ან სენსორული მყარი დარღვევებით, რომელთა ურთიერთქმედებამ სხვადასხვა დაბრკოლებებთან შესაძლოა ხელი შეუშალოს ამ პირის სრულ და ეფექტურ მონაწილეობას საზოგადოებრივ ცხოვრებაში, სხვებთან თანაბარ პირობებში.

შეზღუდული შესაძლებლობის მქონე პირების უფლებები

„შეზღუდული შესაძლებლობის მქონე პირთა უფლებების შესახებ“ გაეროს 2006 წლის კონვენციის თანახმად, შეზღუდული შესაძლებლობის მქონე პირებს, სხვა პირთა თანაბრად აქვთ:

სიცოცხლის უფლება
კანონის წინაშე თანასწორობის უფლება
მართლმსაჯულების მისაწვდომობის უფლება
პიროვნების თავისუფლებისა და უსაფრთხოების უფლება
წამების ან სასტიკი, არაჰუმანური, დამამცირებელი მოპყრობისა ან სასჯელისაგან თავისუფლებლების უფლება
ექსპლუატაციის, ძალადობისა და შეურაცხყოფისაგან თავისუფლების უფლება
პიროვნების ხელშეუხებლობის უფლება
მოქალაქეობისა და გადაადგილების თავისუფლება
დამოუკიდებელი ცხოვრებისა და საზოგადოებაში ჩართვის უფლება
აზრისა და რწმენის გამოხატვის თავისუფლება, ინფორმაციის ხელმისაწვდომობის უფლება
პირადი ცხოვრების ხელშეუხებლობის უფლება
საცხოვრებლისა და ოჯახის პატივისცემის უფლება
განათლების უფლება
ჯანმრთელობის უფლება
შრომისა და დასაქმების უფლება
ცხოვრების ადეკვატური სტანდარტის და სოციალური დაცვის უფლება
პოლიტიკურ და საზოგადოებრივ ცხოვრებაში მონაწილეობის უფლება
კულტურულ, სპორტულ, გასართობ ღონისძიებებში მონაწილეობის უფლება

სოციალური დახმარების ღონისძიებები შეზღუდული შესაძლებლობის მქონე პირებისათვის

შეზღუდული შესაძლებლობის მქონე პირების სოციალური დახმარება ითვალისწინებს როგორც ფინანსური სახის (სოციალური პაკეტი–პენსია, სხვა სახის ფულადი დახმარება), ისე ტექნიკური და სხვა საშუალებებით (სავარძელ–ეტლები, საპროთეზო–ორთოპედიული ნაკეთობები და სხვა სახის დამხმარე საშუალებები) უზრუნველყოფას.

„სოციალური დახმარების შესახებ“ საქართველოს კანონი ადგენს შეზღუდული შესაძლებლობის მქონე პირებისათვის სოციალური პაკეტის–პენსიის დანიშვნის საფუძვლებს.

სოციალური პაკეტი ენიშნებათ მკვეთრად და მნიშვნელოვნად გამოხატული შეზღუდული შესაძლებლობის მქონე პირებს, საქართველოს ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედების შედეგად ზომიერად გამოხატული შეზღუდული შესაძლებლობის მქონე პირებს, სხვა სახელმწიფოთა ტერიტორიაზე საბრძოლო მოქმედების შედეგად ზომიერად გამოხატული შეზღუდული შესაძლებლობის მქონე პირებს, შეზღუდული შესაძლებლობის მქონე ბავშვებს, ბავშვობიდან შეზღუდული შესაძლებლობის მქონე პირებს, რომლებსაც 18 წლის ასაკის შემდეგ დადგენილი აქვთ ზომიერად გამოხატული შეზღუდული შესაძლებლობის სტატუსი.

ადამიანის უფლებათა საყოველთაო დეკლარაცია

გაზიარება

Меню в форме