ევროკომისიამ რუსეთის წინააღმდეგ სანქციების რიგით მე-7 პაკეტი შეათანხმა

​შეათანხმა. ახალი შეზღუდვები, მათ შორის რუსულ ოქროზე ემბარგოსა და რუსეთში ტექნოლოგიების ექსპორტის აკრძალვის გაფართოებას ითვალისწინებს.

"გამოვდივართ შეთავაზებით, რომ გავამკაცროთ მძიმე სანქციები კრემლის წინააღმდეგ და გავაგრძელოთ 2023 წლის იანვრამდე. რუსეთმა უნდა გააგრძელოს მაღალი ფასის გადახდა თავისი აგრესიისთვის", – განაცხადა ევროკომისიის პრეზიდენტმა ურსულა ფონ დერ ლაიენმა.

ევროკავშირის უმაღლესმა კომისარმა ჯოზეფ ბორელმა აღნიშნა, რომ ევროკავშირი აგრძელებს "პუტინთან და კრემლთან დაახლოებული პირების მიზანში ამოღებას".

"დღევანდელი პაკეტი ასახავს ჩვენ კოორდინირებულ მიდგომას საერთაშორისო პარტნიორებთან, მათ შორის "დიდი შვიდეულის" წევრებთან. ამ ზომებთან ერთად საბჭოს წარვუდგენ ინიციატივას სასანქციო სიაში მეტი ფიზიკური პირებისა და კომპანიების შეყვანის შესახებ, მათი ანგარიშების გაყინვით და მოგზაურობის შეზღუდვით“, – განაცხადა ბორელმა

სანქციების მეშვიდე პაკეტი ძალაში შესვლამდე ევროკომისიამ უნდა განიხილოს და შემდგომ ევროკავშირის საბჭომ დაამტკიცოს.

გაზიარება