საფრანგეთში COVID-19-ის ახალი მუტაცია აღმოაჩინეს

საფრანგეთის ქალაქ მარსელში მედიკოსებმა COVID-19-ის ახალი მუტაცია აღმოაჩინეს. პაციენტები ქვეყანაში კამერუნიდან დაბრუნდნენ. ამ შტამის საფრთხისა და ინფიცირების დონე ჯერჯერობით უცნობია, თუმცა აღსანიშნავია, რომ მას 46 მუტაცია აქვს. 

"მას შემდეგ, რაც ერთი ადამიანი კამერუნში მოგზაურობის შემდეგ დაბრუნდა, სამხრეთ საფრანგეთში კორონავირუსის უცნობი მუტაციით 12 ადამიანი დაინფიცირდა. ექსპერტები თვლიან, რომ პათოგენი, შესაძლოა, იქიდან ყოფილიყო წარმოშობილი", - აღნიშნულია ინფორმაციაში.

მარსელის ექიმებმა აღნიშნეს, რომ ახალ ვარიანტში 46 მუტაცია დაფიქსირდა. ახალმა ვერსიამ აღნიშვნა B.1.640.2 მიიღო.

მეცნიერები ახლა ამ მუტაციას იკვლევენ.

ცნობისთვის, საფრანგეთში, ორშაბათიდან, 3 იანვრიდან, 6 წლამდე ასაკის ბავშვებს საზოგადოებრივ ადგილებში პირბადის ტარება მოეთხოვებათ, რადგან ქვეყანაში კორონავირუსის შტამი "ომიკრონი" სწრაფად ვრცელდება.