ცხოვრების დონის უთანასწორობა დიდწილად ეთნიკური კუთვნილებით არის განპირობებული

გლობალური მრავალგანზომილებიანი სიღარიბის ინდექსი, რომელიც შემუშავებულია გაეროს განვითარების პროგრამის (UNDP) და ოქსფორდის ინიციატივით ადამიანთა განვითარებისა და სიღარიბის დაძლევის მიზნით, აფასებს სიმდიდრისა და კეთილდღეობის დონეს იმ ნეგატიური ფაქტორების საფუძველზე, რომლებსაც ადამიანები ყოველდღიურ ცხოვრებაში აწყდებიან, მათ შორის ცუდი ჯანმრთელობა, არაადეკვატური განათლება და დაბალი შემოსავალი.

დღეს გამოქვეყნებული ანგარიში აანალიზებს სიღარიბის დონეს და სტრუქტურას 109 ქვეყანაში, რომელთა საერთო მოსახლეობაა 5,9 მილიარდი ადამიანი. კვლევის შედეგებზე დაყრდნობით, ანგარიშის ავტორებმა დაასკვნეს, რომ ეთნიკური და რასობრივი ჯგუფების ცხოვრების დონე ხშირ შემთხვევაში ბევრად განსხვავდება, ვიდრე სხვადასხვა გეოგრაფიული რეგიონის მაცხოვრებლებს შორის. მაგალითად, ბოლივიაში, მკვიდრი თემები შეადგენენ ქვეყნის მოსახლეობის დაახლოებით 44 პროცენტს, მაგრამ მათი წილი ღარიბი ბოლივიელების საერთო რაოდენობაში 75 პროცენტამდეა შეფასებული. მსგავსი ვითარება შეინიშნება ინდოეთში, სადაც ექვსი ღარიბიდან ხუთი მიეკუთვნება "ქვედა" ტომებს ან კასტებს.