რუსეთის ბოლო თავდასხმები სისასტიკისა და ტერორის კამპანიის მკაფიო მოწმობაა

აშშ-ის სახელმწიფო დეპარტამენტის სპიკერის, ნედ პრაისის განცხადებით, რუსეთის ბოლოდროინდელი თავდასხმები უკრაინაში კიდევ უფრო მეტყველებს იმაზე, რომ რუსეთი ახორციელებს ტერორის კამპანიას უკრაინის ხალხის წინააღმდეგ.

„ფაქტია, რომ რუსეთმა წამოიწყო იმაზე უფრო მეტი, ვიდრე უბრალოდ შეჭრა, უფრო მეტი, ვიდრე უბრალოდ ომი, ტერორის, სისასტიკისა და საზიზღარი აგრესიის კამპანია, უკრაინელი ხალხის წინააღმდეგ. რაც შეეხება იმას, რაც უკანასკნელ საათებში ვნახეთ, ლვოვის წინააღმდეგ დარტყმების თვალსაზრისით, კიევის გარეუბნებში დარტყმების თვალსაზრისით ან ის, რაც ვნახეთ ქალაქებში, როგორიცაა მარიუპოლი, ხარკოვი, რისი მოწმეც ბუჩაში გავხდით, ეს არის მკაფიო მინიშნებები, მკაფიო მოწმობა სისასტიკისა და ტერორის კამპანიისა, რომელსაც რუსები უკრაინელი ხალხის წინააღმდეგ აწარმოებენ“, – განაცხადა ნედ პრაისმა.

გაზიარება