რუსეთი ვერ აღწევს ომის მიზნებს, უკრაინა კი წარმატებას აღწევს

„რუსეთი ვერ აღწევს ომის მიზნებს, უკრაინა კი წარმატებას აღწევს. რუსეთის პრინციპული მიზანია უკრაინის სრულად დაპყრობა, დამორჩილება, რომ წაართვას მას სუვერენიტეტი, დამოუკიდებლობა. ამას ვერ ახერხებს“, - განაცხადა აშშ-ის სახელმწიფო მდივანმა, ენტონი ბლინკენმა, უკრაინაში ვიზიტისა და ვოლოდიმირ ზელენსკისთან 3-საათიანი საუბრის შემდეგ, ჟურნალისტებთან. ინფორმაციას Associated Press-ი ავრცელებს.

ბლინკენის თქმით, უკრაინის მხარდაჭერამ და რუსეთზე ზეწოლამ შედეგი უკვე გამოიღო.

„ჩვენს სტრატეგიას - უკრაინის მხარდაჭერსა და რუსეთზე ერთობლივ ზეწოლას, 30-ზე მეტი ქვეყნის სოლიდარობასა და ძალისხმევას რეალური შედეგები მოჰყვა“, - განაცხადა ბლინკენმა.

ამერიკის სახელმწიფო მდივანი ენტონი ბლინკენი უკრაინაში აშშ-ის თავდაცვის მდივან ლოიდ ოსტინთან ერთად ჩავიდა.

გაზიარება