კატასტროფების რისკის შემცირების საერთაშორისო დღე

კატასტროფების მართვისთვის ათწლეულის განმავლობაში გამოყოფილი განვითარების ოფიციალური დახმარებიდან 133 მილიარდი დოლარიდან მხოლოდ 5,5 მილიარდი დოლარი დაიხარჯა პრევენციისა თუ რისკების შემცირებაზე.

თანხის ძირითადი ნაწილი დაიხარჯა ამგვარი ფენომენების შედეგების წინააღმდეგ ბრძოლაში და მათ შემდგომ ეკონომიკის აღდგენაზე. ამის შესახებ ნათქვამია ანგარიშში, რომლის გამოქვეყნება დროულად ემთხვევა კატასტროფების რისკის შემცირების საერთაშორისო დღეს. იგი აღინიშნება 13 ოქტომბერს.

გაერომ გაიხსენა, რომ ბოლო წლებში მსოფლიოში გახშირდა სტიქიური უბედურებები და ამინდის არანორმალური მოვლენები, რამაც გამოიწვია უამრავი ადამიანის სიკვდილი და უზარმაზარი ეკონომიკური ზარალი. ყველა სახელმწიფომ, გაეროს ექსპერტების აზრით, მეტი ინვესტიცია უნდა განახორციელოს პროექტებში, მათ შორის ინფრასტრუქტურაში, რომელიც მიზნად ისახავს კატასტროფების შედეგების შემსუბუქებას.

გაზიარება