თურქეთი შვედეთისა და ფინეთის ნატოში გაწევრიანებას მხარს დაუჭერს

​თურქეთი შვედეთისა და ფინეთის ნატოში გაწევრიანებას მხარს დაუჭერს. სამი ქვეყნის ლიდერებმა შესაბამის კონსენსუსს ნატოს მადრიდის სამიტზე მიაღწიეს.

თურქეთმა, შვედეთმა და ფინეთმა ხელი მოაწერეს სამმხრივ მემორანდუმს შვედეთისა და ფინეთის ნატოში გაწევრიანების პროცესის შესახებ.

თურქეთის პრეზიდენტის ადმინისტრაციაში განაცხადეს, რომ თურქეთმა „მიიღო ის, რაც სურდა“ შვედეთთან და ფინეთთან მოლაპარაკებებიდან.

მანამდე ოფიციალური ანკარა აცხადებდა, რომ შვედეთმა და ფინეთმა ღიად და მკაფიოდ უნდა განაცხადონ, რომ უარს ამბობენ ტერორიზმის მხარდაჭერაზე და თურქეთის წინააღმდეგ სანქციებს გააუქმებენ.

გაზიარება