ბიძინა ივანიშვილზე შეტევა მიმდინარეობს ყოველი მხრიდან, დაუმსახურებელი და უზნეო

​არავინ იცის, რომ საკვანძო ფიგურები პოლიტიკაში, მთავრობასა და პარლამენტში, მათ შორის პარლამენტის თავმჯდომარე, არიან ადამიანები, რომლებიც არც იცნობენ ბიძინა ივანიშვილს, არც შეხვედრიან და არავითარი მითითება მისგან არც მიუღიათ და არც მიიღებენ, - ამის შესახებ პარლამენტის ვიცე-სპიკერმა, გიორგი ვოლსკიმ „ქრონიკაში“ განაცხადა.

მისი თქმით, ბიძინა ივანიშვილზე შეტევა მიმდინარეობს ყოველი მხრიდან, დაუმსახურებელი და ხშირ შემთხვევაში უზნეო.

„დიახ არის ასეთი განცდა [ბიძინა ივანიშვილის პოლიტიკაში დაბრუნება] და ამის გამო ბიძინა ივანიშვილზე შეტევა მიმდინარეობს ყოველი მხრიდან, დაუმსახურებელი და ხშირ შემთხვევაში უზნეო. ძალიან ბევრს აქვს პოზიტიური განცდა და აქედან გამომდინარე, ეს განცდა სერიოზულ ბარიერებს უქმნის რადიკალურ ოპოზიციას. ის, რა ნაბიჯებიც, რადიკალურმა ოპოზიციამ გადადგა, არის შეუქცევადი. რევოლუციის მოსახდენად ჩამოვიდა სააკაშვილი, ჯერ იქიდან ცდილობდა. დასავლეთსაც აგინა, ამერიკსაც და ევროკავშირსაც, რათა მიეღო რადიკალური ეროვნული ძალების მხარდაჭერა, უკრაინაში გაეძლიერებინა პოზიცია. შემდეგ ჩამოვიდა ჩუმად, ვიცით რატომაც, მაგრამ არ გამოვიდა ეს რევოლუცია. აქედან გამომდინარე, ამ მიმართულებით გადადგმული ეს ნაბიჯი არის შეუქცევადი“, - განაცხადა გიორგი ვოლსკიმ.

გაზიარება