ჩვენ გვყავს უპასუხისმგებლო და არათანმიმდევრული ოპოზიცია

სამწუხაროდ ჩვენ გვყავს არამარტო უპასუხისმგებლო და არათანმიმდევრული, არამედ სასოწარკვეთილი ოპოზიცია, რომელიც დაცლილია ყოველგვარი საქმიანი დღის წესრიგისგან, - ასე გამოეხმაურა საპარალამენტო უმრავლესობის ლიდერი რატი იონათამიშვილი შალვა ნათელაშვილის განცხადებას ქუჩის პროტესტის აუცილებლობის შესახებ.

„ახლაც მოხდა მათი ლუსტრაცია, არამარტო სახის, არამედ პოტენციალის, რომ ეს არის ერთადერთი რაც მათ შეუძლიათ და ისიც არასდროს გამოსდით“, - აღნიშნა იონათამიშვილმა.

სადეპუტატო მანდატის გაუქმების შემდეგ „ლეიბორისტული პარტიის“ ლიდერი ქუჩის პროტესტის აუცილებლობაზე ალაპარაკდა. შალვა ნათელაშვილი საპარლამენტო ოპოზიციას მანდატების დატოვებისკენ მოუწოდებს და ამბობს, რომ ხალხი ქუჩაში გასასვლელად უნდა მოემზადოს.

გაზიარება