არაფერია რეკომენდაციებში ისეთი, რომ აქტიური მუშაობის შემთხვევაში რამე ვერ მოესწროს

​არაფერია იქ ისეთი, რომ აქტიური მუშაობის შემთხვევაში შეიძლება რამე ვერ მოესწროს, - ამის შესახებ საპარლამენტო უმრავლესობის წევრმა, მიხეილ სარჯველაძემ ევროკომისიის 12-პუნქტიან რეკომენდაციებზე საუბრისას განაცხადა.

„ყველა მიმართულებაზე, რომელშიც საკუთარი წილი ვალდებულებებისა დავინახეთ, ყველა მათგანთან დაკავშირებით გვაქვს მუშაობა. ეს მუშაობა მოიცავს აქტივობას ბევრი მიმართულებით, მათ შორის დაგეგმვასაც“, - განაცხადა მიხეილ სარჯველაძემ.

ევროპულმა საბჭომ უკრაინასა და მოლდოვას ევროკავშირის წევრობის კანდიდატის სტატუსი მიანიჭა, საქართველოს კი მიენიჭა ევროპული პერსპექტივა, წევრობის კანდიდატობას კი დასახული პირობების შესრულების შემდეგ მიიღებს.

გაზიარება