საქართველოსთვის სტატუსზე უარის თქმა ევროპისთვის გეოპოლიტიკური მარცხი იქნება

​საქართველოს პარლამენტის საპროცედურო საკითხთა კომიტეტის თავმჯდომარე ირაკლი ქადაგიშვილი ჟურნალისტებთან აცხადებს, რომ საქართველოსთვის კანდიდატის სტატუსზე უარის თქმა ევროპისთვის გეოპოლიტიკური მარცხი იქნება.

„მე ვფიქრობ, რომ მათ ეს საკითხი ბოლომდე უნდა მიიყვანონ, რადგან ეს იქნება არა მხოლოდ ჩვენი შიდაპოლიტიკური, სხვა გადაწყვეტილება - არეულობისთვის ბიძგის მიმცემი, არამედ, იქნება გეოპოლიტიკური მარცხი კოლექტიური ევროპისთვის, რომ ამ სიტუაციაში მათ უკან დაიხიონ და მერკანტილური პოლიტიკური მიზნები, წინააღმდეგობები წინ წამოსწიონ“, - აცხადებს ირაკლი ქადაგიშვილი.

აღსანიშნავია, რომ 27 სახელმწიფოს ლიდერებმა უნდა გადაწყვიტონ, მიანიჭებენ თუ არა ევროკავშირის წევრობის  კანდიდატი ქვეყნის სტატუსს საქართველოს, უკრაინასა და მოლდოვას.

გაზიარება