ბელორუსმა Human Rights Watch-ის ვებ-გვერდი დაბლოკა

​ბელარუსის გენერალურმა პროკურორმა განაცხადა Human Rights Watch-ს ვებგვერდის დაბლოკვის შესახებ მინსკის საქალაქო პროკურატურის ბრძანებით.

ამ მომენტისთის მომენტისთვის Human Rights Watch-ს არ მიუღია ამ გადაწყვეტილების ოფიციალური დასაბუთება და არც რაიმე მიზეზი წარმოუდგენია. თუმცა, როგორც ჩანს, ვებსაიტზე წვდომა ბელორუსში დაბლოკილია.

ბელორუსის რესპუბლიკის კანონის 51.1 მუხლი „მასობრივი ინფორმაციის საშუალებების შესახებ“ ავალებს მინსკის საქალაქო პროკურატურას, შეზღუდოს წვდომა ვებგვერდებზე, რომლებიც ავრცელებენ ექსტრემისტულ ინფორმაციას და ინფორმაციას, რომელიც აზიანებს ბელორუსის ეროვნულ ინტერესებს.

დაბლოკვა მოხდა რამდენიმე დღის შემდეგ, რაც Human Rights Watch-მა გამოაქვეყნა მოხსენება, რომელშიც დოკუმენტირებული იყო რუსეთის ძალების მიერ უკრაინაში ჩადენილი რამდენიმე აშკარა სამხედრო დანაშაული, მათ შორის თვითმხილველთა ჩვენებები ქალაქ ბუჩაში მამაკაცის მოკლედ სიკვდილით დასჯის შესახებ.

ბელორუსია ერთ-ერთია იმ მცირერიცხოვან ქვეყნებს შორის, რომელიც ღიად უჭერს მხარს უკრაინაში რუსეთის სრულმასშტაბიან შეჭრას. ხელისუფლება რუსეთის ჯარებს საშუალებას აძლევს გამოიყენონ ბელორუსის ტერიტორია, მათ შორის რაკეტების გაშვებისთვის. 27 თებერვალს ხელისუფლებამ ჩაატარა რეფერენდუმი კონსტიტუციაში შესწორების მიზნით ბელორუსიაში რუსული ბირთვული იარაღის განლაგების ნებადართული.

რუსეთში მათი კოლეგების მსგავსად, ბელორუსის ხელისუფლებას აქვს ნულოვანი ტოლერანტობა ნებისმიერი სახის ომის საწინააღმდეგო განწყობის მიმართ. ომის დაწყების შემდეგ ხელისუფლებამ დააკავა ომის საწინააღმდეგო ასობით მშვიდობიანი დემონსტრანტი.

​ბელორუსის ხელისუფლებამ ომის შესახებ ცნობების გამო დაბლოკა რამდენიმე დამოუკიდებელი მედია, „ექსტრემისტული მასალების“ და „ცრუ ინფორმაციის“ გავრცელების მოტივით.

5 აპრილს ბელარუსში ინტერნეტ პროვაიდერმა დროებით დაბლოკა წვდომა ბელორუსულ პორტალზე brestnote.by რუსეთის გენერალური პროკურატურის მოთხოვნით. წვდომა აღდგა მას შემდეგ, რაც საიტმა წაშალა სტატია რუსეთის ომის შესახებ უკრაინაში. რუსეთის ხელისუფლებამ ასევე დაბლოკა რამდენიმე დამოუკიდებელი ბელორუსული მედია საშუალება რუსეთში.

დამოუკიდებელ მედიასა და უფლებადამცველი ორგანიზაციების ვებგვერდებზე წვდომის დაბლოკვა ახალი არ არის ბელორუსიაში. 2020 წლის 9-დან 12 აგვისტომდე, ხელისუფლებამ მკაცრად შეზღუდა ინტერნეტის წვდომა, რათა დაფაროს და გააკონტროლოს ინფორმაცია ქვეყნის მასშტაბით, არჩევნების შემდგომი საპროტესტო აქციების და პოლიციის უპრეცედენტო სისასტიკის შესახებ. მაგრამ ინტერნეტის აღდგენის შემდეგ შოკმა და იმედგაცრუებამ კიდევ უფრო გამოიწვია საზოგადოების აღშფოთება.

შესაძლოა, ეს არის გაკვეთილი, რომელიც ბელორუსის ხელისუფლებას კვლავ მოუწევს ისწავლოს.

გაზიარება