გაერო მოუწოდებს ქვეყნებს დაიცვან უკრაინელი ლტოლვილები ადამიანით მოვაჭრეებისგან

​უკრაინიდან ლტოლვილები და იძულებით გადაადგილებული პირები ომის შედეგად განადგურებულ ქვეყანაში შეიძლება გახდნენ სუტენიორების და სხვა ადამიანებით მოვაჭრეებისთვის სამიზნე, აფრთხილებს მიგრაციის საერთაშორისო ორგანიზაცია (IOM). ამ ადამიანთაგან ბევრმა არა მხოლოდ გადაიტანა წარმოუდგენელი სტრესი სიცოცხლის გადასარჩენად, არამედ აღმოჩნდა ახალ ადგილას საარსებო წყაროს გარეშე.

დღეისათვის უკრაინა დატოვა სამ მილიონზე მეტმა ადამიანმა, მათ შორის მესამე ქვეყნის 162 000 მოქალაქემ. ადამიანებით მოვაჭრეები და კონტრაბანდისტები ყოველთვის იღებენ სარგებელს სხვისი უბედურებით. ასობით ათასი ადამიანი მთელ მსოფლიოში ხდება მათი მსხვერპლი. კრიმინალები იზიდავენ ადამიანებს და ყიდიან მათ სექსუალური ან შრომითი ექსპლუატაციის ან კრიმინალურ საქმიანობაში მონაწილეობის მიზნით.

IOM-ის თანამშრომლები უკრაინელი ლტოლვილების კრიმინალებისგან დაცვისკენ მოუწოდებენ. ისინი მოუწოდებენ ყველას, ვისაც ომიდან გაქცეულთა დახმარება სურს, კოორდინირება გაუწიონ ადგილობრივ ხელისუფლებას, დარეგისტრირდნენ და დატოვონ საკონტაქტო ინფორმაცია, ასევე შეატყობინონ იმ ადამიანების გადაადგილების მარშრუტებს, რომლებსაც ეხმარებიან და მათი ადგილმდებარეობის შესახებ.

IOM-მა აღნიშნა, რომ დღეს უკრაინას ძირითადად ქალები, ბავშვები და მოხუცები ტოვებენ. ბევრი ბავშვი მშობლების გარეშე დარჩა საზღვარგარეთ.

ჯერ კიდევ ომამდე - 2021 წელს - უკრაინის IOM-მა გამოავლინა ადამიანით ვაჭრობის ათასზე მეტი მსხვერპლი და გაუწია მათ დახმარება. ახლა ორგანიზაციამ გააძლიერა ძალისხმევა, რათა თავიდან აიცილოს ადამიანებით ვაჭრობა როგორც ქვეყნის შიგნით, ისე მეზობელ ქვეყნებში. IOM თანამშრომლობს მესაზღვრეებთან და სხვა სახელმწიფო მოხელეებთან და ავრცელებს პრევენციულ შეტყობინებებს.

ორგანიზაციამ შექმნა ცხელი ხაზები აღმოსავლეთ ევროპის რეგიონში. უკრაინაში, რუმინეთსა და მოლდოვაში IOM-მა გამოაქვეყნა მასალები უსაფრთხო მიგრაციისა და ადამიანებით ვაჭრობის წინააღმდეგ ბრძოლის შესახებ. ასევე შეგიძლიათ იქ მოიძიოთ ინფორმაცია განსახლებისა და ტრანსპორტირების შესახებ.

უკრაინიდან გაქცეულ მესამე ქვეყნების მოქალაქეებზე საუბრისას, IOM-მა კიდევ ერთხელ მოუწოდა ევროპის ქვეყნებს, ებრძოლონ ეროვნების ან ეთნიკური ნიშნით დისკრიმინაციის გამოვლინებებს.