„მომხმარებლის უფლებების დაცვის შესახებ“ კანონპროექტის განხილვა პარლამენტში

ევროპასთან ინტეგრაციის კომიტეტმა „მომხმარებლის უფლებების დაცვის შესახებ“ საქართველოს კანონის პროექტი მეორე მოსმენით, მუხლობრივად განიხილა. პარლამენტის პრესსამსახურის ინფორმაციით, კანონპროექტით, განსაზღვრულია მომხმარებლის უფლებების დაცვის ზოგადი პრინციპები.

„წესრიგდება სამომხმარებლო ხელშეკრულებებთან დაკავშირებული გარანტიები. ასევე, დგინდება პასუხისმგებლობის გამომრიცხავი გარემოებები, საგარანტიო ვადები და მომსახურებასთან დაკავშირებული ვალდებულებების დარღვევის შედეგები.

კანონპროექტში მოცემულია ნდობისა და კეთილსინდისიერების პრინციპების საწინააღმდეგო, უსამართლო კომერციული საქმიანობის აკრძალვასთან დაკავშირებული ნორმები. ასევე, დგინდება მომხმარებლის უფლებების დაცვის ინსტიტუციური გარანტიები. პროექტის თანახმად, კანონის აღსრულებაზე პასუხისმგებელ უწყებად საქართველოს კონკურენციის ეროვნული სააგენტო განისაზღვრება.

„პირველი მოსმენის შემდეგ, სტილისტური თვალსაზრისით დაიხვეწა კანონპროექტი, ასევე, შევიდა ტექნიკური ცვლილებები, დაიხვეწა ტერმინოლოგია, დაზუსტდა კანონპროექტის რეგულირების სფერო და განიმარტა, თუ რომელ მარეგულირებელ ორგანოს არ შეეხება რეგულირების თავი. ასევე, კანონების ჩამონათვალს, რომელზეც არ გავრცელდება კონკურენციის ეროვნული სააგენტოს უფლებამოსილება“, - აღნიშნულია გავრცელებულ ინფორმაციაში.

გაზიარება