გაერო რუსეთსა და უკრაინას ჰუმანიტარული ზავის მისაღწევად შუამავლობას სთავაზობს

გაეროს გენერალურმა მდივანმა თავის მოადგილეს ჰუმანიტარულ საკითხებში მარტინ გრიფიტს დაავალა, დაუყოვნებლივ განიხილოს უკრაინის ომში ჩართულ მხარეებთან ჰუმანიტარული ზავის შეთანხმებების დადების შესაძლებლობა და მათი პრაქტიკული განხორციელების საკითხები. ამის შესახებ ანტონიო გუტერეშმა ორშაბათს, გაეროს შტაბ-ბინაში ჟურნალისტებთან საუბრისას განაცხადა.

მან გაიხსენა, რომ რუსეთის მიერ უკრაინაში შეჭრის დაწყებიდან ერთი თვის წინ, ომმა გამოიწვია „ათასობით ადამიანის უაზრო დაკარგვა, ათი მილიონი ადამიანის, ძირითადად ქალებისა და ბავშვების იძულებით გადაადგილება, კრიტიკული ინფრასტრუქტურის სისტემატური განადგურება და სურსათისა და ენერგიის გლობალური ფასების მკვეთრი ზრდა“.

”ჩვენ უნდა დავასრულოთ ეს,” - თქვა გაეროს ხელმძღვანელმა. „გაერთიანებული ერების ორგანიზაცია ყველაფერს აკეთებს იმისათვის, რომ მხარი დაუჭიროს იმ ადამიანებს, რომელთა ცხოვრება ომმა თავდაყირა დააყენა. გაერო, გუტერეშის თქმით, მხარს უჭერს ლტოლვილებს და ასევე ეხმარება მათ, ვინც დარჩნენ უკრაინაში. მხოლოდ ბოლო თვეში 900 ათასამდე ადამიანმა მიიღო, ძირითადად ქვეყნის აღმოსავლეთში.

უკრაინაში გაეროს ათასამდე თანამშრომელია, რომლებიც მუშაობენ რვა ჰუმანიტარულ ცენტრში - დნიპროში, ვინიცაში, ლვოვში, უჟგოროდში, ჩერნივციში, მუკაჩევოში, ლუგანსკში და დონეცკში. გასული თვის განმავლობაში მსოფლიო სასურსათო პროგრამამ დახმარება გაუწია 800 ათას უკრაინელს, აპრილის შუა რიცხვებისთვის კი იგეგმება ამ მაჩვენებლის 1,2 მილიონამდე გაზრდა.

ქვეყნის ყველაზე დაზარალებული რეგიონების ნახევარ მილიონ მაცხოვრებელს ჯანდაცვის მსოფლიო ორგანიზაციის თანამშრომლები დაეხმარნენ. WFP, WHO, UNHCR და UNICEF-ის კოლონა, რომელსაც საკვები, სამედიცინო აღჭურვილობა და სხვა აუცილებელი ნივთები გადაჰქონდა, დღეს ხარკოვში ჩავიდა. გაეროს სააგენტოები ასევე აფასებენ სიტუაციას და ადგენენ მარშრუტებს დახმარების უსაფრთხო მიწოდებისთვის მთელი ქვეყნის მასშტაბით.

„მაგრამ მოდი ვიყოთ პირდაპირი. ამ ჰუმანიტარული ტრაგედიის გამოსავალი არა ჰუმანიტარულ, არამედ პოლიტიკურ ჭრილშია, აღნიშნა გენერალურმა მდივანმა. „ამიტომ, მე მოვუწოდებ დაუყონებლივ ჰუმანიტარულ ზავას, რომელიც საშუალებას მისცემს პროგრესს სერიოზულ პოლიტიკურ მოლაპარაკებებში, რომლებიც მიმართულია სამშვიდობო შეთანხმების მიღწევაზე, გაეროს წესდების პრინციპებზე დაფუძნებული.

გენერალური მდივნის თქმით, ზავი საშუალებას მისცემს საჭირო ჰუმანიტარული დახმარების მიწოდებას, ასევე უზრუნველყოს მშვიდობიანი მოსახლეობის გადაადგილების უსაფრთხოება. ”ეს გადაარჩენს სიცოცხლეს, თავიდან აიცილებს ტანჯვას და დაიცავს მშვიდობიანი მოსახლეობის”, - დასძინა გუტერეშმა.

მან ასევე გამოთქვა იმედი, რომ ასეთი შეთანხმება დაეხმარება გაუმკლავდეს ომის შედეგებს, რომლებიც დაკავშირებულია შიმშილის საფრთხესთან ბევრ განვითარებად ქვეყანაში, რომლებსაც, პანდემიის გამო, უკვე უწევთ დიდი თანხის დახარჯვა კრიზისის დასაძლევად.

„მოვუწოდებ კონფლიქტის მხარეებს და მთლიანად საერთაშორისო საზოგადოებას, ითანამშრომლონ ჩვენთან მშვიდობისა და სოლიდარობის სახელით უკრაინის მოსახლეობასთან და მთელ მსოფლიოში“, - განაცხადა გაეროს ხელმძღვანელმა.

გაზიარება