კრიმინალი სააკაშვილის განცხადებები არავისთვის საინტერესო არ არის

“რისი თავი და ერთი ადგილი აქვთ ამათ, კარგად ვხედავთ”, – ასე გამოეხმაურა საპარლამენტო უმრავლესობის წევრი, ალუდა ღუდუშაური “ნაციონალური მოძრაობის” წევრის, ლევან ხაბეიშვილის განცხადებას, რომლის მიხედვითაც, საქართველოს ყოფილი პრეზიდენტი, მიხეილ სააკაშვილი ხვალინდელ სასამართლო პროცესზე, ვადამდელი არჩევნების გეგმასთან დაკავშირებით ისაუბრებს.

ღუდუშაურის შეფასებით, მესამე პრეზიდენტის განცხადებები საინტერესო არ არის.

“ამორალური, კრიმინალი სააკაშვილის განცხადებები არავისთვის საინტერესო არ არის. რისი თავი და ერთი ადგილი აქვთ ამათ, კარგად ვხედავთ. კარგად ვხედავთ, როგორ ტირის და იხვეწება, რომ როგორმე ახალი ვერსიები შესთავაზონ საზოგადოებას, რომ აქ თურმე ვერ უმკურნალებენ. მათ შორის დედა ჰყავს ჩართული, რომელიც გამოჰყავს საპროტესტო აქციები იქნება თუ ა.შ. სადაც ათიოდე რადიკალი “ნაციონალი” დაიარება”, – განაცხადა ღუდუშაურმა.

გაზიარება