სააკაშვილი, როგორც პოლიტიკოსი, განულებულია

„ქართულ ოცნებაში“ აცხადებენ, რომ საგამოძიებო კომისიასთან დაკავშირებით „ნაციონალური მოძრაობა“ ცდილობს საზოგადოების წინაშე წარმოაჩინოს იმ კონკრეტული საკითხების აქტუალობა, რომელთა საჭიროება რეალურად არ დგას. მათი თქმით, მსჯავრდებული მიხეილ სააკაშვილის საქმეზე საგამოძიებო კომისიის შექმნას არანაირი სამართლებრივი საფუძველი არ გააჩნია და მეტიც, ასეთი ოპოზიციის პირობებში, ნებისმიერი საგამოძიებო კომისიის შექმნა ფარსია.

„დღეისათვის ოპოზიციას აქვს 50 მანდატი, რათა შეიქმნას ყველა კომისია, მაგრამ ხელისუფლება გააფთრებულად იბრძვის, რომ როგორმე ბადრი ჯაფარიძე გააგდონ პარლამენტიდან, 50-ის ნაცვლად დავრჩეთ 49 და ჩაიშალოს კომისიის შექმნა“, - აცხადებს „ნაცმოძრაობის“ წევრი, დეპუტატი რომან გოცირიძე.

„ერთადერთი მიზანი, რისთვისაც „ნაცმოძრაობას“ სურს ამ კომისიის შექმნა, არის ის, რომ საზოგადოების უდიდესი ნაწილისთვის სააკაშვილის თემა არანაირ ინტერესს არ წარმოადგენს. ეს საკითხი არის მილევად რეჟიმში და ეს ადამიანი, როგორც პოლიტიკოსი, განულებულია. „ნაცმოძრაობა“ ცდილობს, ეს თემა რაღაცნაირად აცოცხლოს“, - აცხადებს „ქართული ოცნების“ წევრი, დეპუტატი გივი მიქანაძე.

გაზიარება